කළුතර මහජන පුස්තකාලයට ඇතුළු වන විට පාඨකයින්ගේ බඩුභාර ගෙන කාඩ්පතක් නිකුත් කිරීම සඳහා පසුගිය කාලයේ පෞද්ගලික ආරක්ෂක අංශයේ නිලධාරියෙකු පත්කර තිබුණි. අත්සන් කරන්නට පොතක් තිබුණත් සමහර දිනවලට පෑන නැත. මේ වන විට ශාලාව තුළ ද පත්තර තැබීමට ස්ථානයක් වෙන් කර තිබුණත් ඒ නියමිත තැන පත්තර නැත. දිනපතා, සතිපතා පත්තර එකම තැන ඇත. පසුගිය කාලයේ පාඨකයින් පුවත්පත් මඟින් පුස්තකාලයේ අඩුපාඩු පෙන්වා දීම නිසා ලංකාදීප පුවත්පත මාසයක් එකට ගොනුකර තිබුණි. මේ වන විට දිනපතා පත්තර තැන් තැන්වල ඇත. ඇතැම් පාඨකයින් පත්තරවල අවශ්‍ය කොටස් කපා ගැනීම සිදු කරන නමුදු මේ ගැන සොයා බලන්නට කෙනෙකු නැත.
කවුන්ටරයේ සිටිය යුතු නිලධාරින් ශාලාව තුළ නිතරම කතා කරමින් සිටින බව පෙනේ. පසුගිය පත්තරයක් ලබා ගැනීමට ඒ අය සිටින තැනට යා යුතුය. අප රාක්කය මත තබන බඩු බාහිරාදියට වගකියන්නේ කවුද? බලධාරින්ගේ කාරුණික අවධානය මේ කෙරෙහි යොමු කරන මෙම පුස්තකාලයේ අඩුපාඩු නිවැරැදි කර දෙන මෙන් ඉල්ලා සිටිමි.
එච්. තරිදු පියමල් සිල්වා
ගොරකදෙනිය,
