කෘෂිකාර්මික ක්ෂේත්රයේ විශිෂ්ටම ආයතනයක් වන විස්මා ඕගනික් (පෞද්ගලික) සමාගම පසුගියදා පැවති බිස්නස් වර්ල්ඩ් අන්තර්ජාතික සම්මාන උලෙළේදී ප්ලැටිනම් සම්මානයක් දිනා ගත්තේය. කාබන් නිෂ්පාදන ක්ෂේත්රයේ නියුතු විස්මා ඕගනික්හි කර්මාන්ත ශාලාව ආනමඩුවේ සංගට්ටිකුලමේ පිහිටා ඇත. වසර 2014දී ආරම්භ කරන ලද විස්මා ඕගනික් ඉතා කෙටි කලක් තුළ ශීඝ්‍ර දියුණුවක් ලබා මෙවැනි තත්ත්වයකට පත්වීම පිළිබඳව තමා අතිශය සතුටට පත්වන බව විස්මා ඕගනික් අධිපති මෛත්‍රී ෆොන්සේකා මහතා පවසයි. වසර 25ක් පමණ පරිපාලන ක්ෂේත්රයේ අත්දැකීම් ඇති මෛත්‍රී ෆොන්සේකා මහතා දෙස් විදෙස් ආයතන රැසකට තම සේවය ලබා දී ඇති කීර්තිමත් පරිපාලන නිලධාරියෙකි.
ඔහුගේ දක්‍ෂතාවන් නිසා බංකොලොත් වීමට නියමිතව තිබූ ප්‍රසිද්ධ සමාගම් කිහිපයක් යථා තත්ත්වයට පත් කර ලාභ ලැබීම දක්වා රැගෙන යෑමට හැකි විය. මෙම ජයග්‍රහණය සඳහා සහාය දැක්වූ සියලුම දෙනා වෙත තම කෘතඥතාව පුද කරන බව පවසන මෛත්‍රී ෆොන්සේකා මහතා මෙම සම්මානය තම සමාගමේ ඉදිරි ගමනට විශාල රුකුලක් බවද සඳහන් කළේය. බිස්නස් වර්ල්ඩ් ඉන්ටර්නැෂනල් විසින් සංවිධානය කරන ලද මෙම අලංකාර සම්මාන රාත්‍රිය පසුගියදා කොළඹ ටාජ් සමුද්‍රා හෝටලයේදී පැවති අතර මෙහිදී දෙස් විදෙස් ප්‍රකට ව්‍යාපාරිකයන් කිහිප දෙනෙකුටද සම්මාන පුදනු ලැබීය.
