හතරලියද්ද, මරතුගොඩ, පූජාපිටිය, හඟුරන්කෙත, ගම්පොළ, ගම්පහ, ගාල්ල, කොළඹ සහ කුරුණෑගල ප්‍රදේශවල 600 ක් පමණ වූ ඉඟුරු ගොවීන්ගේ සමීපතම ව්‍යාපාරික හවුල්කරුවා බවට එලිෆන්ට් හවුස් මේ වන විට පත්ව තිබේ.
දශක දෙකකට ආසන්න කාලයක් පුරාවට සිලෝන් කෝල්ඩ් ස්ටෝර්ස් පීඑල්සී හි කීර්තිමත් අලියා ජින්ජර් බියර් සඳහා අවශ්‍ය කෙරෙන අමු ඉඟුරු සැපයීම මෙම කුඩාපරිමාණ ඉඟුරු ගොවීන් විසින් සිදුකරනු ලබයි.
2018 වසරේ දී පමණක් සමාගම විසින් වියළි ඉඟුරු මෙට්‍රික් ටොන් 50 ක් මෙලෙසින් ලබාගත් අතර මේ දක්වා කාලපරිච්ඡේදය තුළ අමු ඉඟුරු මෙට්‍රික් ටොන් 2,100 ක් මිල දී ගනිමින් සුවිශේෂී සන්ධිස්ථානයකට පැමිණ තිබේ.
එලිෆන්ට් හවුස් සිය ප්‍රමුඛතම වෙළඳ නාමය වන EGB අඛණ්ඩව වැඩිදියුණු කරමින් පවතින අතර එහි මුල් වට්ටෝරුව නිපදවා මේ වන විට ශත වර්ෂයකට ආසන්න කාලයක් ගත වී ඇත. එය 1826 වසර දක්වා දිවෙන අතර මෑත වකවානුවේ දී EGB ජනප්‍රියතාවයේ කැපී පෙනෙන වර්ධනයක් අත්පත් කර ගෙන තිබේ.
