ක්‍රීඩා ඇමැති හරීන් ප්‍රනාන්දු මහතා
ඔට්ටු ක්‍රීඩාවට හා සූදුවලට ඍජුව හෝ වක්‍රව සම්බන්ධ කිසිදු පුද්ගලයකුට මින් ඉදිරියට ක්‍රීඩා පරිපාලනයට සම්බන්ධ වීමට නොහැකි වන ආකාරයට නව නීති සකසා ගැසට් නිවේදනයක් නිකුත් කළ බව ක්‍රීඩා ඇමැති හරීන් ප්‍රනාන්දු මහතා පැවසීය.
ශ්‍රී ලංකා ක්‍රීඩා නීතියේ සංශෝධනයක් සිදු කරමින් තමන් නව ගැසට් නිවේදනයක් නිකුත් කිරීමට පියවර ගත් බවත්, රටක් ගොඩනැඟීමට නම් ජනප්‍රිය තීරණවලට ඉඩ නොදී අමිහිරි තීරණ ගැනීමටද සිදු වන බවත් රටට යහපතක් කිරීමටත් ක්‍රීඩාව නැංවීමටත් තමන් කිසි විටක පසු නොබසින බවත් ඇමැතිවරයා අවධාරණය කළේ ය.
