මේෂ
ගෙදරදොර කටයුතු සතුටින්
ලග්නාධිපති කුජ, රවි හයවැන්නේය. බුධ, සිකුරු හතේ ද, ගුරු අටේ ද, ශනි 9, රාහු 3 ගමන් ගනී. එම ග්‍රහ ගෝචරය සැලකීමේ දී යම් යම් බාධා ඇතත් සිත් සතුටට කරුණු යෙදේ. ආගමික අංශයට වැඩි නැඹුරුවක් පෙන්වයි. වෘත්තීය සහ රැකියා කටයුතු කරගෙන යෑමේ දී බාධා අවහිරතා ඉස්මතු කළත් සිය උත්සාහය තුළ කිසියම් සාර්ථක ප්‍රතිඵලයක් ලබයි. ආර්ථික වශයෙන් ශුභදායක වේ. විවිධ ක්ෂේත්‍රයන්ට යොමු වීමෙන් ලාභ ප්‍රයෝජන ලැබිය හැකිය. ගෙදරදොර කටයුතුවල දී සිත් සතුටට කරුණු යෙදේ. එහෙත් සමාජීය කටයුතුවල දී ප්‍රවේසම් වන්න. අපවාද චෝදනාවලට ඉඩ පවතී. දරුවන්ගේ කටයුතු කෙරෙහි අවධානය යොමු කළ යුතුය. අධ්‍යාපන කටයුතුවලට ශුභයි. උෂ්ණාධික රෝග, උදරාශ්‍රිත පීඩා මතුවේ. ජය වර්ණය- රතු, අංකය- 09, දිනය- බ්‍රහස්පතින්දා
වෘෂභ
බාධා මැද දියුණුව
ලග්නාධිපති සිකුරු බුධ හයවැන්නේය. රවි, කුජ 5 වැන්නේය. රාහු 2, ශනි, කේතු 8, ගුරු හතේ ගෝචරය වේ. එම ග්‍රහ ගෝචරය ගැන සැලකීමේදී තමාගේ කටයුතු කරගෙන යෑමේ දී බාධා අවහිරතා ඉස්මතු වේ. සිය උත්සාහය සහ කැපවීමෙන් කිසියම් සාර්ථක ප්‍රතිඵලයක් ලැබිය හැකිය. වෘත්තීය සහ රැකියා සම්බන්ධයෙන් ශුභයි. ආර්ථික වශයෙන් යහපත් වුවත් ඔබට වියදම් පක්ෂය පාලනය කර ගැනීම අපහසුයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ප්‍රවේසම් විය යුතුයි. යම් අවහිරතාවන්ට ඉඩ මතු කළ හැකි බැවිනි. දරුවන්ගේ කටයුතු කෙරෙහි අවධානයෙන් සිටිය යුතුයි. අධ්‍යාපන අංශයේ දී විටෙක තරමක් බාධා ප්‍රමාදතා ඉස්මතු විය හැකිය. උත්සාහය සහ කැපවීම අවශ්‍යයි. ආගමික අංශයට නැඹුරුව ක්‍රියා කරයි. ස්නායු දුර්වලතා, ලේ දූෂ්‍යාබාධ, උෂ්ණාධික රෝගාදියෙන් ප්‍රවේසම් වන්න.
ජය වර්ණය- නිල්, අංකය- 06, දිනය- සිකුරාදා
මිථුන
අපතේ යන දේවලින්
අමතර ආදායම්
ලග්නාධිපති බුධ යෝගකාරක සිකුරු පූර්ව පුණ්‍යස්ථානයේ ද වේ. රවි, කුජ 4 වැන්නේය. රාහු ලග්නයේ ද ශනි, කේතු 7 ද, ගුරු හයේ ද ගමන් ගනී. එම ග්‍රහ ගෝචරය සැලකීමේ දී තම කටයුතු උදෙසා කිසියම් අන්දමක බාධා හා අවහිරතා ඉස්මතු කළ හැකිය. එහෙත් කරගෙන යන කටයුතුවල දියුණුවක් ලැබේ.
ආදායම් අයහපත් නැත. අපතේ යන දේවලින් අමතර ආදායම් ලබාගත හැකිය. ආදායම ලැබුණ ද වියදම් අධික වේ. ගෙදරදොර කටයුතු යහපත්ය. සමඟිය සාමයට බාධා එල්ල නොවේ. දරුවන්ගේ කටයුතුවල දියුණුවක් ලබයි.
අධ්‍යාපන අංශවලදී උත්සාහයේ තරමට සාර්ථක ප්‍රතිඵල ලැබිය හැකිය. තමාගේ ශරීර සෞඛ්‍යය ගැන සැලකිලිමත් විය යුතුයි. උෂ්ණාධික රෝග බලපෑ හැකිය. වෛරස් රෝග, බෝවන රෝගාදියට ඉඩ පවතී.
ජය වර්ණය- කොළ, අංකය- 05, දිනය- බදාදා
කටක
නිෂ්ඵල වියදම් අධික ගමන්බිමන්
යෝගකාරක කුජ, රවි දෙවැන්නේ ද, බුධ,
සිකුරු 4 ද, ගුරු 5 ද, ශනි, කේතු 6 ද ගෝචරය වේ. එම ග්‍රහ ගෝචරය ගැන සැලකීමේ දී තමාගේ කටයුතු කරගෙන යෑමේ දී බාධා ප්‍රමාදතා ඇති වේ. රාහු 12 ගමන් කිරීම තුළ මිල මුදල් නාස්ති වීම්වලට ඉඩ පවතී. සතුරු කරදර නිසා සිතට කනගාටු කලකිරීම් ඇති කළ හැකිය.
නිෂ්ඵල වූ ද වියදම් අධික වූ ද ගමන් යෑමට සිදු වේ. ස්ථානගත කටයුතුවල වෙනස්කම් ඇති වේ. කරගෙන යන කටයුතුවලට බාධා ඇති වේ. වෘත්තීය සහ ආර්ථික වශයෙන් ද බුද්ධිමත් විය යුතුයි. කල්පනාකාරී විය යුතුයි. අන්‍යයන් සමඟ කටයුතු කිරීමේදී ඉතාම කල්පනාකාරී නොවුවහොත් බාධා අවහිරතා මතු කළ හැකිය. යුගදිවිය සම්බන්ධ කටයුතුවලදී කල්පනාකාරී වන්න. ජය වර්ණය- ක්‍රීම් පාට, අංකය- 02, දිනය- සඳුදා
සිංහ
ආර්ථික වාසි
ලග්නාධිපති රවි, කුජ දෙවැන්නේය. බුධ, සිකුරු තුන්වැන්නේය. ගුරු 4, ශනි, කේතු 5, රාහු 11 ගෝචරය වේ. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතුවල කිසියම් අන්දමක දියුණුවක් ලබාගනී. අන්‍යයන්ගේ සහයෝගය ලැබීම තුළ තමාගේ කටයුතු සාර්ථක කරගත හැකිය. මිල මුදල් ලැබීමඅතින් යහපත්ය. වෙළෙඳ ව්‍යාපාරවල යෙදී සිටින අයට ශුභදායකයි. ක්‍රමයෙන් වාසි සහගත තත්ත්වයක් උදා වේ. ගෙදරදොර කටයුතු මෙන්ම යුගදිවිය සම්බන්ධ කටයුතු ද සාමාන්‍ය වේ. විටෙක යම් යම් අවහිරතාවන්ට ඉඩ නැත්තේ ද නොවේ. දරුවන්ගේ කටයුතු සම්බන්ධයෙන් ප්‍රවේසම් විය යුතුයි. අවධානයෙන් සිටිය යුත්තේය. ඉගෙනීමේ කටයුතුවල යෙදී සිටින අයට යහපත්ය. උදරාශ්‍රිත රෝග, උගුර, බෙල්ල ආශ්‍රිත රෝග සම්බන්ධයෙන් සැලකිලිමත් වන්න.
ජය වර්ණය- රතු, අංකය- 01, දිනය- ඉරිදා
කන්‍යා
වෘත්තීය සහ රැකීරක්ෂා කටයුතු කල්පනාවෙන්
ලග්නාධිපති බුධ, සිකුරු දෙවැන්නේ ද, රවි, කුජ ලග්නයේ ද සිටී. රාහු 10 ද, ශනි, කේතු 4 ද, ගුරු 3 ද ගමන් කරයි. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතුවල දී අන්‍යයන්ගේ සහයෝගය ඔබ බලාපොරාත්තු වන තරමට සාර්ථක නොවේ. එම නිසා බුද්ධිමත්ව ද විමසිලිමත්ව ද ක්‍රියා කළ යුතුයි. ආර්ථික සහ මූල්‍යමය වශයෙන් එතරම්ම යහපත් නොවේ. එහෙත් සිය උත්සාහය තුළ සාර්ථක බවක් ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල කිසියම් දියුණුවක් පෙන්වයි. අධ්‍යාපන අංශවල යෙදී සිටින අයට සිය උත්සාහය සහ කැපවීමෙන් සාර්ථක ප්‍රතිඵලයක් ලැබිය හැකිය. උෂ්ණාධික රෝග, උදරාශ්‍රිත පීඩ, ස්නායු, නහර දුර්වලතාදියෙන් ප්‍රවේසම් විය යුතුයි. ආගමික අංශයට නැඹුරුවක් පෙන්වයි.
ජය වර්ණය- කොළ, අංකය- 05, දිනය- බදාදා
තුලා
මුදල් අතින් යහපත්
ලග්නාධිපති සිකුරු බුධ ලග්නයේ ද, රවි, කුජ 12 ද, ශනි, කේතු 3 ද, රාහු 9 ද ගමන් ගනී. එම ග්‍රහ පිහිටීම් අනුව සැලකීමේදී තමාගේ සියලු කටයුතුවල දී විටින් විට අවහිරතා බාධා ප්‍රමාදතා ඉස්මතු කරයි. වෘත්තීය සහ රැකියා ක්ෂේත්‍රයේ දී වුවද ඔබ බලාපොරොත්තු වන තරමට බාධා එල්ල නොවේ. එහෙත් සාර්ථක ප්‍රතිඵලවල දී ප්‍රමාදතා එයි. ආර්ථික සහ මූල්‍යමය වශයෙන් යහපත්ය. විවිධ අංශවලට යොමු වීමෙන් සාර්ථක වේ. ලාභ ප්‍රයෝජන අත්පත් වේ. ගෙදරදොර කටයුතු යහපත්ය.
සමඟිය සාමය සුරක්ෂිත වේ. දරුවන්ගේ කටයුතුවල කිසියම් අන්දමක දියුණුවක් ලබනු ඇත. ඉගෙනීම්වල යෙදී සිටින අයට ශුභයි. අලූත් විෂයයන් කෙරෙහි අවධානය යොමු වේ. වැටීම්, තැළීම්, අනතුරු පීඩාදියට ඉඩ පවතී.
ජය වර්ණය- නිල්, අංකය- 06, දිනය- සිකුරාදා
වෘශ්චික
එදිනෙදා කටයුතුවලට බාධා
ලග්නාධිපති කුජ, රවි අයස්ථානයේය. බුධ, සිකුරු 12 ද, කේතු, ශනි 2 ද, රාහු 8 ද ගුරු ලග්නයේ ද ගෝචරය වේ. එම ග්‍රහ ගෝචරය සැලකීමේදී තමාගේ කටයුතුවලට බාධා අවහිරතා ඉස්මතු වන නිසා ඉතා කල්පනාකාරීව ද, බුද්ධිමත්ව ද තම කටයුතුවල නියුක්ත වන්න. නොඑසේ නම් ආකූලතා ඉස්මතු කළ හැකිය. ආර්ථික වශයෙන් අයහපත් නැත. විවිධ අංශයන්ට යොමු වී ලාභ ප්‍රයෝජන ලැබිය හැකිය. ගෙදරදොර කටයුතුවල දී ද යුගදිවිය සම්බන්ධ කටයුතුවලදී ද ඉවසීමෙන් බුද්ධිමත්ව ක්‍රියා කළ යුතුයි. දරුවන්ගේ කටයුතු උදෙසා කාලයත්, ධනයත්, ශ්‍රමයත් වැය වේ. අධ්‍යාපන අංශවල නියුක්ත වූ අයට අලුත් විෂයයන් කෙරෙහි අවධානය යොමු වේ. උත්සාහය තුළ සාර්ථක වේ. උෂ්ණාධික, උදරාශ්‍රිත රෝග, ලේ දූෂ්‍යාබාධවලින් ප්‍රවේසම් වන්න.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
සමපල
ලග්නාධිපති ගුරු 12 ද, බුධ, සිකුරු 11 ද, රවි, කුජ 10 දිත්බලයෙන් ද ශනි, කේතු ලග්නයේ ද රාහු ලග්නයේ ද ගමන් ගනී. එම ග්‍රහ ගෝචරය සැලකීමේදී වෘත්තීය සහ රැකියා අංශවල දී විටින් විට බාධා අවහිරතා ගැටලුකාරී තත්ත්වයන් මධ්‍යයේ තමාගේ කටයුතු ඉෂ්ට සිද්ධ කරගත යුතුයි.
ආර්ථික සහ මූල්‍යමය වශයෙන් අයහපත් නොවේ. ආදායම් ලැබීම අතින් යහපත් වුව ද වියදම් පක්ෂය ඉහළ යයි. මිල මුදල් සම්බන්ධ කටයුතුවල දී කල්පනාකාරී වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ද තරමක් ඉවසීමෙන් ක්‍රියා කරන්න.
දරුවන්ගේ කටයුතුවල දී අවධානයෙන් සිටීම අවශ්‍යයි. ඉගෙනීම්වල යෙදී සිටින අයට සිය උත්සාහය තුළ සාර්ථක ප්‍රතිඵල උදා කරගනී. උෂ්ණාධික රෝග, වැටීම්, තුවාල අනතුරු පීඩාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
දරුවන්ගේ කටයුතුවල සාර්ථක ප්‍රතිඵලයක්
ලග්නාධිපති ශනි, කේතු 11 ද, රාහු 6 ද, ගුරු අයස්ථානයේ ද රවි, කුජ 9 ද බුධ, සිකුරු 10 ද ගෝචරය වේ. එම ග්‍රහ ගෝචරය ගැන සැලකීමේදී වෘත්තීය සහ රැකීරක්ෂා කටයුතුවල දී අන්‍යයන්ගේ සහයෝගය උපකාරය ලැබීමෙන් තමාගේ කටයුතු සාර්ථක කරගත හැකිය. ආදායම් ලැබීම අතින් ශුභයි. විවිධ ක්ෂේත්‍රයන්ට යොමු වීමෙන් ආදායම් ලබයි. ගෙදරදොර කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල කිසියම් සාර්ථක ප්‍රතිඵලයක් ලබයි. අධ්‍යාපන අංශවල යෙදී සිටින අයට සිය උත්සාහය සහ කැපවීමෙන් සාර්ථක ප්‍රතිඵලයක් ලබනු ඇත. ආගමික අංශයට වැඩි නැඹුරුවක් පෙන්වයි. රුධිර පීඩනය, බඩවැල් ආශ්‍රිත රෝගාදියෙන් ද ප්‍රවේසම් විය යුතුයි.
ජය වර්ණය- නිල්, අංකය- 08, දිනය- සෙනසුරාදා
කුම්භ
සමපල
ලග්නාධිපති ශනි, කේතු අයස්ථානයේ ද, ගුරු 10, බුධ, සිකුරු 9 ද, රාහු 5 ගමන් කරයි. එම ග්‍රහ ගෝචරය ගැන සැලකීමේ දී තමාගේ වැඩකටයුතු සාර්ථක අන්දමට කරගත හැකිය. විටෙක බාධා අවහිරතා පෙන්වයි.
ආදායම් ලැබුණ ද වියදම් පක්ෂය ඉහළ යයි. මිල මුදල් සම්බන්ධ කටයුතුවල දී තරමක් කල්පනාකාරී වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී වැඩකටයුතු අධික වීමෙන් ශරීරයට විඩාවක් වෙහෙසක් හටගත හැකිය. දරුවන්ගේ කටයුතුවල දී වඩාත් ප්‍රවේසම් වන්න. අධ්‍යාපන කටයුතුවල දී වඩාත් උනන්දුවෙන් ද කැපවීමෙන් ද සිදු කළ යුතුයි. උෂ්ණාධික රෝග, ලේ දූෂ්‍යාබාධ, වාතාබාධ යනාදියෙන් ද මූත්‍රා දෝෂාදියෙන් ද ප්‍රවේසම් වන්න.
ජය වර්ණය- නිල්, අංකය- 06, දිනය- සෙනසුරාදා
මීන
කෝපකාරී ගති ඉස්මතු වේ
ලග්නාධිපති ගුරු භාග්‍යස්ථානයේය. ශනි, කේතු 10 ද, රාහු 4 ද සිටී. රවි, කුජ හත්වැන්නේය. බුධ, සිකුරු අටේ ගෝචරය වේ. එම ග්‍රහ චලිතය ගැන සැලකීමේ දී විටෙක තද ලෙස කේන්ති යයි. කෝපකාරී ගති ඉස්මතු වේ. වෘත්තීය සහ රැකීරක්ෂා කටයුතුවල දී ප්‍රධානීන් සමග කටයුතු කිරීමේදී සැලකිලිමත් විය යුතුයි. නොඑසේ නම් ආකූලතා ව්‍යාකූලතා මතු කළ හැකිය. මිල මුදල් සම්බන්ධ කටයුතුවල දී වඩාත් කල්පනාකාරී විය යුතුයි. නොඑසේ නම් ණය තුරුස්වීමේ ඉඩක් පවතී. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ඉවසීමෙන් ද බුද්දිමත්ව ද ක්‍රියා නොකළොත් සමඟිය සාමයට බාධා එල්ල වේ. අධ්‍යාපන ක්ෂේත්‍රවල යෙදී සිටින අයට සිය උත්සාහය සහ කැපවීමෙන් සාර්ථක ප්‍රතිඵල ලැබිය හැකිය. පපුව, පෙණහැල්ල ආශ්‍රිත රෝග, උදරගත පීඩා, කකුල්වල ආබාධ යනාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
