සන්කුවික්, ශ්‍රී ලංකා වොලිබෝල් සම්මේලනය සමඟ එක්ව වාර්ෂිකව සංවිධානය කරන ‘සන්කුවික් ජාතික බීච් වොලිබෝල් තරගාවලිය’ 2019 වසරටත් සංවිධානය කෙරෙන බව නිවේදනය කෙරිණ. පසුගිය වසරේ සිට සන්කුවික් මෙම තරගාවලිය සඳහා අනුග්‍රාහකත්වය එක් කරන අතර ශ්‍රී ලංකාවේ ජාතික ක්‍රීඩාව වන වොලිබෝල් නංවාලීමේ අරමුණෙන් සන්කුවික් 2012 වසරේ සිට වෙළෙඳ සේවා වොලිබෝල් ශූරතාවලියට ද අනුග්‍රාහකත්වය එකතු කර ඇත.
මෙවර සන්කුවික් ජාතික බීච් වොලිබෝල් ශූරතාවලිය 2019 දෙසැම්බර් 20, 21 සහ 22 යන දිනවලදී මීගමුව වෙරළ උද්‍යානයේදී පැවැත්වේ. එහිදී විවෘත, වයස අවුරුදු 20 න් සහ 25 පහළ යන වයස් කාණ්ඩයන්ගෙන් කාන්තා හා පිරිමි තරග පැවැත්වේ. තරගාවලියේ ජයග්‍රාහකයන්ට ආකර්ෂණීය මුදල් තෑගි රැසක් පිරිනැමීමට සන්කුවික් ආයතනය විසින් කටයුතු යොදා ඇත. මේ සඳහා මෙරට සියලුම වොලිබෝල් කණ්ඩායම් වෙත සන්කුවික් ආරාධනා කර සිටී.
