ශ්‍රී ලංකා ඉන්ෂුවරන්ස් මඩකලපුව ශාඛාව නව නිවහනකදී පසුගියදා විවෘත කරන ලදී. මෙසේ විවෘත කරන ලද මඩකලපුව ශාඛාව පළමු මහල අංක 64/1, බාර් පාර, මඩකලපුව යන ස්ථානයේ පිහිටා තිබෙන අතර මඩකලපුව අවට ප්‍රදේශවල පාරිභෝගිකයින්ට සියලු රක්ෂණ අවශ්‍යතා එකම වහලක් යටදී සම්පූර්ණ කරගැනීමේ හැකියාව සලසා දි තිබේ.
ශ්‍රී ලංකා ඉන්ෂුවරන්ස් ප්‍රධාන නිලධාරි ව්‍යාපාර සංවර්ධන - රුක්මන් වීරරත්න මහතා, සහ ආයතනයේ ඉහළ කළමනාකාරීත්වය, සේවක මණ්ඩලය හා පාරිභෝගික මහත්ම මහත්මිීන් රැසක්ද මෙම අවස්ථාවට සහභාගී වූහ.
1962 තම ව්‍යාපාර කටයුතු ආරම්භ කළ ශ්‍රී ලංකා ඉන්ෂුවරන්ස් ආයතනය මෙරට විශාලතම රාජ්‍ය රක්ෂණ ආයතනයයි. මේ වන විට රුපියල් බිලියන 197කට අධික වත්කම් සම්භාරයකින් සහ රුපියල් බිලියන 105කට අධික ජීවිත රක්ෂණ අරමුදලක් හිමි ශ්‍රී ලංකා ඉන්ෂුවරන්ස් මෙරට ස්ථාවරම රක්ෂණ ආයතනයයි.
