මහනුවර ශ්‍රී දළදා මාළිගාවේ ඇසළ පෙරහර මංගල්‍යය වෙනුවෙන් මහජන බැංකුව මෙවරත් අනුග්‍රාහක දායකත්වය පිරිනමයි. ශ්‍රී දළදා මාලිගාවේ දී පසුගියදා දියවඩන නිලමේ තැන්පත් ප්‍රදීප් නිලංග දෑල මැතිතුමා වෙත මහජන බැංකුවේ මහනුවර ප්‍රාදේශීය කළමනාකාර නලින් පොත්තෙවෙල අතින් මෙම ප්‍රදානය සිදුකෙරිණි. මේ අවස්ථාවට මහනුවර සහකාර ප්‍රාදේශීය කළමනාකාර ජනක ජයසිංහ, මහනුවර ශාඛා ජ්‍යෙෂ්ඨ කළමනාකාර ප්‍රසන්න කරුණාරත්න සහ ප්‍රාදේශිය ව්‍යාපාර ප්‍රවර්ධන නිලධාරී ක්‍රිෂාන්ත කුලසිංහ සහභාගි විය.
පෞරාණික සිරිත් විරිත්වලට මුල්තැන දෙමින් දේශිය නර්තනාංගයන්ගෙන් විචිත්‍රවත්ව පැවැත්වෙන මෙම සංස්කෘතික මංගල්‍යයට නොකඩවා අනුග්‍රාහක දායකත්වය ලබාදීම පිළිබඳව දියවඩන නිලමේ ප්‍රදීප් නිලංග දෑල මෙහිදි මහජන බැංකුව වෙත තම ස්තුතිය පුදකළේය.
