රජයේ වෛද්ය නිලධාරීන්ගේ සංගමයේ සභාපති, වෛද්ය අනුරුද්ධ පාදෙණිය මහතාට එරෙහිව සෞඛ්ය, පෝෂණ හා දේශීය වෛද්ය අමාත්යාංශයෙන් විනය පරීක්ෂණයක් ආරම්භ කර තිබේ.
සෞඛ්ය අමාත්යාංශයේ ජ්යෙෂ්ඨ සහකාර ලේකම් (වැටලීම්) සුදත් රත්නවීර මහතාගේ ප්රධානත්වයෙන් මේ පරීක්ෂණ අරඹා තිබෙන්නේ
ශ්රී ලංකා පොදුජන පෙරමුණේ ප්රතිපත්ති ප්රකාශන එළිදැක්වීමේ උලෙළට ඔහු සහභාගි වීම සම්බන්ධයෙන් මැතිවරණ කොමිෂන් සභාවේ කොමසාරිස් ජනරාල් සමන් ශ්රී රත්නායක මහතා ඉදිරිපත් කළ පැමිණිල්ලකට අනුවය.
2141/52 සහ 2019/09/19 අතිවිශේෂ ගැසට් නිවේදන සහ ආයතන සංග්රහයේ 32 පරිච්ඡේදය ප්රකාරව රජයේ වෛද්ය නිලධාරීන් අයත් වන මාණ්ඩලික ගණයේ නිලධාරීන්ට ඡන්දය දීම හැර වෙනත් කිසිම දේශපාලන ක්රියාවලියකට සම්බන්ධ වීමට නොහැකි බව ඉතා පැහැදිලිව දක්වා තිබීම මේ විනය පරීක්ෂණයට පදනම් වී ඇත.