ඉදිරි ජනාධිපතිවරණයේදී ජයග්රහණය කරන අපේක්ෂකයාට තිබෙන ප්රධාන අභියෝගයක් තමයි ස්ථාවර ආර්ථිකයක් ඇති කිරීම. ජාතික ජනබලවේගය නියෝජනය කරන බුද්ධිමතෙකු හැටියට මේ ගැටලුවට යොජනා කරන විසඳුම මොකක්ද?
මේ අභියෝගයේ ප්රධාන කොටස් දෙකක් අප දකිනවා. පළමු වැනි කාරණය ණය අර්බුදය. අපට ගොඩ එන්න බැරි තරමට මේ ණය අර්බුදය උග්රවෙලා. වාර්ෂික ණය පොලී ගෙවන්න රාජ්ය ආදායම ප්රමාණවත් නොවන නිසා ණය ගෙවීම සඳහා නැවත ණය ගැනීම එහෙමත් නැති නම් රජය සතු ආර්ථික මර්මස්ථාන, ආරක්ෂාවේ මර්මස්ථාන විකිණීම හැර විකල්පයක් නැති තත්ත්වයට අද පත් වෙලා. 2020 සිට රට බාරගන්න ජනාධිපතිවරයට වචනවලින් එක එක දේවල් කියනවාට වඩා ප්රායෝගිකව ඊට මුහුණ දෙන්න පුළුවන් වැඩපිළිවෙලක් අවශ්ය වෙනවා.
දෙවැනි කාරණය දේශීය වශයෙන් අපේ නිෂ්පාදනය වැඩි කරගැනීම සඳහා අනුගමනය කළ යුතු ක්රියාමාර්ග මොනවාද කියන එක. මේ වන විට අපේ රටේ නිෂ්පාදනය සතුටුදායක මට්ටම නැහැ. අපට නිෂ්පාදනය කරගත හැකි බොහෝ දේ පවා ආනයනය කරනවා. උදාහරණයක් විදියට මත්ස්ය නිෂ්පාදන ආනයනය කිරීම සඳහා වසරකට ඩොලර් කෝටි ගණනක් වැය කරනවා. අපේ රටේ අවශ්යතාවන්ට සරිලන විදියට ඊට මැදිහත් වෙන්න බැරිකමක් අපට නැහැ. නමුත් රට වටේම මුහුද තියාගෙන ඒ සඳහා වැඩපිළිවෙළක් නැති නිසාම මත්ස්ය නිෂ්පාදන ආනයනය කරනවා.
එළවළු පලතුරු ධාන්ය, කුකුල්මස්, බිත්තර හා කිරි නිෂ්පාදන අපට රට තුළම නිෂ්පාදනය කර ගන්න පුළුවන්. එමඟින් විදේශ රටවලට ඇදී යන මුදල් අප රට තුළම රඳවාගන්න හැකියාව ලැබෙනවා. මීට අමතරව අපේ රටේ තිබුණු සුළු පරිමාණ, මධ්ය පරිමාණ හා මහා පරිමාණ කර්මාන්ත බිඳවැටිලා තියෙනවා. නිෂ්පාදන ක්රියාවලිය ශක්තිමත් කරලා කෘෂිකර්ම ක්ෂේත්රයේ, කර්මාන්ත ක්ෂේත්රයේ නව තත්ත්වයන් හඳුනාගනිමින් ඒවා වැඩි දියුණු කරලා ජාතික ආදායම වැඩි කරගැනීමේ ක්රියාවලිය ඉදිරියට ගැනීමට විධිමත් වැඩපිළිවෙළක් අවශ්ය වෙනවා. එමඟින් ජනතාව වෙත තව තවත් බදු බර වැඩි නොකර ජාතික ආදායම වර්ධනය කිරීමෙන් ආර්ථික සමෘද්ධිය ඇති කිරීම අපගේ උපාය මාර්ගයයි අප ජනගත කළ ප්රතිපත්ති ප්රකාශනයේ ඒ සම්බන්ධයෙන් සවිස්තරාත්මක වැඩ පිළිවෙළක් ඉදිරිපත් කර තිබෙනවා.
2015ට පෙර තිබුණු තත්ත්වයෙන් වෙනස් දේශපාලන වටපිටාවක් වර්තමාන රජය යටතේ නිර්මාණය වෙනවා. විශේෂයෙන් ම ප්රජාතන්ත්රවාදය ශක්තිමත් කිරීම සඳහා ගනු ලැබූ ක්රියාමාර්ග. ඒවා ඔබේ ආණ්ඩුවක් යටතේ අහෝසි කරනවාද නැති නම් තවත් ඉදිරියට ගෙනියනවාද?
2015 ජනවාරි අට වැනිදා මේ රටේ බහුතර ජනතාව ඒකරාශී වී පරාජයට පත් කළේ මහින්ද රාජපක්ෂ සහ ඔහුගේ සහචරයන් විතරක් ම නෙමෙයි. ඒ මහින්ද රාජපක්ෂ පාලනයත් එක්ක බැඳුණු ප්රජාතන්ත්ර විරෝධි ස්වභාවය, ඒකාධිපතිත්වය හා ඔවුන් විසින් ඇති කළ ආර්ථික ගැටලු ආදී සියලු දේම පරාජය කරනු ලැබුවා. මේ රජය යටතේ වඩා පුළුල් ආකාරයෙන් නොවුණත්; ඔවුන් විසින් ඇති කළ ප්රජාතන්ත්රවාදී ක්රියාමාර්ග තුළ ඒ සඳහා වන ප්රවේශයක් අපි දකිනවා.
දේශපාලනයේ තිබුණු බල තුලනය තුළත් ජනතාව පැත්තෙන් කිසියම් ප්රජාතන්ත්රවාදී ඉඩක් ඉන් අත් පත් වී තිබෙනවා. නමුත් මෙරටේ බහුතර ජනතාව බලාපොරොත්තු වුණු පුළුල් ප්රජාතන්ත්රවාදී අවකාශය ඒ ඔස්සේ නිර්මාණය වුණා කියලා අප විශ්වාස කරන්නේ නැහැ. ඒ නිසා ජාතික ජනබලවේගය හැටියට මේ කොමිෂන් සභාවලට දුන්නු බලතල තවදුරටත් පුළුල් කරන අතරම ඒවා ප්රායෝගිකව ක්රියාත්මක කිරීම සඳහා අවශ්ය කරන මැදිහත් වීමත් අප කරනවා.
පොලිස් කොමිසන් සභාවේ ක්රියාකාරකම් පිළිබඳ ගැඹුරින් විග්රහා කරලා බලනකොට ඔය කියන ස්වාධීනත්වය තියෙනවද කියන ප්රශ්නය මතු වෙනවා. තොරතුරු දැනගැනීමේ පනත ක්රියාත්මක වුණාට තොරතුරු දැනගැනීමේ මහජන අවශ්යතාව නැති නම් ඒ අයිතිවාසිකම හරියටම සිද්ධවෙනවද කියන ප්රශ්නය අප හමුවේ තිබෙනවා. ඒවගේම ඒකාධිපති ස්වභාවය මුළුමනින්ම නවත්තලා ජනහිතකාමී ප්රජාතන්ත්රවාදී සත්ය ලෙසම මහජනතාව සම්බන්ධ කරගත් රාජ්ය පාලනයක් නිර්මාණය කිරීමට අපි අපේක්ෂා කරනවා. ඒ සඳහා මේ රටේ උගතුන්, බුද්ධිමතුන්, කලාකරුවන් හා පුරවැසියන් හැමෝම ඒකාබද්ධ කරගෙන පුළුල් ප්රජාතන්ත්රවාදී වැඩ පිළිවෙළක් අප මේවන විට සමාජ ගත කර තිබෙනවා.
අප්රේල් 21 එල්ල වූ ත්රස්තවාදී ප්රහාරයත් එක්ක අප විසින් 2015 දී කරළියට ගෙනා බොහෝ සාධනීය ජනතාවාදී ප්රමුඛතා යටපත් වී නැවතත් මිලිටරි පාලකයකු රටට අවශ්යයි කියන මතය ජනගත කර තිබෙනවා. ඇත්තටම මේ මොහොතේ රටේ ප්රමුඛතාව හිමි විය යුත්තේ ජාතික ආරක්ෂාවටද? නැති නම් වෙනත් දේවල්වලටද?
මතුපිටින් බැලුවම අප්රේල් 21 ප්රහාරය ආගමික කණ්ඩායමක් එල්ල කරගෙන සිදු කළ ප්රහාරයක් ලෙස පෙනුණත් අප එය දකින්නේ මේ රටේ ප්රජාතන්ත්රවාදයට එල්ල වූ මරුපහරක් ලෙසයි. ගොඩනැගිලිවලට මිනිස් ජීවිතවලට සිදු වූ හානිය ඉතාම බරපතළ වුවත් අපට ඒ ගැන කිසියම් තක්සේරුවකට එන්න පුළුවන්. නමුත් ඉන් ප්රජාතන්ත්රවාදී ව්යූහයට ප්රජාතන්ත්රවාදී අවකාශයට එල්ල වූ හානිය තක්සේරු කරන්න බැරි තරම්. ඒ නිසාම 2015 දී පරාජයට පත් වූ දුෂ්ට බලවේග නැවත ජාතිවාදී ආගම්වාදී ප්රවණතාවක් සමඟ පෙරටත් වඩා ප්රබල ආකාරයෙන් හිස ඔසවා තිබෙනවා.
ඒ නිසා මිලිටරි පාලකයෙකු දැඩි පාලකයෙකු මේ රටට ඕන කියන මතය අද ඔවුන්ට සමාජගත කරන්න හැකි වී තිබෙනවා. නමුත් මේ මොහොතේ ජාතික ආරක්ෂාව සැලකිය යුතු මට්ටමකින් බිඳ වැටිල තියෙනව කියල ජාතික ජනබලවේගය විදියට අප විශ්වාස කරන්නේ නැහැ. මොකද කල් ඇතිව බුද්ධි තොරතුරු අපට ලැබී තිබුණා. එහෙම නම් ඔවුන් කියන විදියට බුද්ධි අංශය දුර්වල වෙලත් නැහැ. එහෙම නම් මෙතැන තිබුණේ ඒ සඳහා ක්රියාමාර්ග ගැනීමේ පසු බෑමක් පමණයි. ඒ මත කවුරු හරි කියනවා නම් බුද්ධි අංශ දුර්වලයි ඒ නිසා ජාතික ආරක්ෂාව නඟා හිටවන්න අපව බලයට ගෙන්න කියලා ඒක බොළඳ තර්කයක්.
ඒ නිසා ජාතික ආරක්ෂාව සඳහා දැඩි මිල්ටරි පාලකයෙකු ඕනෑය කියන මතය අප දැඩිසේ ප්රතික්ෂේප කරනවා. ඒ නිසා අපි ජනතාවට කියන්නේ යලි මේ රටේ ජනතාව ජාතිවාදයට ආගම්වාදයට ගැටුම්වලට යොමු කරන මේ ප්රවණතාව ඉතාම පිළිකුලෙන් යුතුව පරාජය කරන්න ඕනෑ කියලයි.