මේෂ
නිර්මාණශීලී වේ
කුජ 7 වැන්නට පැමිණේ. ඒ රවි බුධ සමඟිනි. සිකුරු 8 ද, ශනි, කේතු ගුරු 9 ද, සඳු 12 සහ රාහු 4 සිටීම තුළ එම කාල සීමාව තුළ කිසියම් සාර්ථක බවක් ක්‍රමයෙන් ලබයි.
වෘත්තීය සහ රැකීරක්ෂා කටයුතුවල දී සිය උත්සාහය සහ කැපවීමෙන් සාර්ථක ප්‍රතිඵල ලබයි. ආර්ථික සහ මූල්‍යමය වශයෙන් ශුභදායක වේ.
ගෙදරදොර බඩුමුට්ටු ආදිය පිළිබඳ වාසිදායක තත්ත්වයක් පෙන්වයි. ආදායම් වර්ධනයක් වේ. ගෙදරදොර කටයුතු යහපත්ය. සමඟිය සාමය සුරක්ෂිත වේ.
දරුවන්ගේ කටයුතුවල ප්‍රගතියක් පෙන්වයි. අධ්‍යාපන කටයුතුවල යෙදී සිටින අයට සිය උත්සාහයෙන් ප්‍රතිඵල ලබා ගත හැකිය. ආගමික අංශයට වැඩි නැඹුරුවක් ඇති කරයි. ශරීර සෞඛ්‍යය ගැන තරමක් සැලකිලිමත් විය යුතුයි.
ජය වර්ණය- රෝස, අංකය- 09, දිනය- බ්‍රහස්පතින්දා
වෘෂභ
බලාපොරොත්තු වන ප්‍රතිඵල නෑ
ලග්නාධිපති සිකුරු වශ්චිකයේ හත් වැන්නේය. රවි, කුජ, බුධ 6 වැන්නේය. ගරු, කේතු, ශනි 8 ද, රාහු 2 ද ගමන් ගනී.
එම ග්‍රහ ගෝචරය ගැන සැලකීමේ දී වෘත්තීය සහ රැකියා මෙන්ම සමාජීය ක්ෂේත්‍රවල දී ඔබ බලාපොරොත්තු වන තරමට සාර්ථක ප්‍රතිඵල නොලබනු ඇත. එම නිසා කැප වීම අවශ්‍යයි. ආර්ථික සහ මූල්‍යමය වශයෙන් එතරම් සාර්ථක නොවේ. ආදායම් ලැබුණ ද වියදම් පක්ෂය ඉහළ යනු ඇත. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී යම් යම් අවහිරතා බාධා ඉස්මතු කළ හැකිය.
වචන පාවිච්චියේ දී ප්‍රවේසම් වන්න. දරුවන්ගේ කටයුතු කෙරෙහි අවධානයෙන් සිටිය යුතුයි. අධ්‍යාපන කටයුතුවලට කැප වීම අවශ්‍යයි. ඒ තුළ සාර්ථක විය හැකිය. තමාගේ ශරීර සෞඛ්‍යය ගැන සැලකිලිමත් විය යුතුයි.
ජය වර්ණය- නිල්, අංකය- 06, දිනය- සිකුරාදා
මිථුන
මිල මුදල් නාස්තිවීම්වලට ඉඩ
ලග්නාධිපති බුධ පූර්ව පුණ්‍යස්ථානයේ රවි කුජ සමඟයි. රාහු ලග්නයේ ද කේතු, ශනි, ගුරු 7 ද, සිකුරු 6 ද ගමන් ගනී.
එම ග්‍රහ ගෝචරය ගැන සැලකීමේ දී යම් යම් අවස්ථාව කෙටි ගමන්බිමන් අධිකයි. වෘත්තීය සහ රැකියා අංශවල දී විටෙක යම් යම් බාධා අවහිරතා ඉස්මතු වේ. එම නිසා උත්සාහය සහ කැපවීමෙන් සාර්ථක ප්‍රතිඵල උදා කරනු ඇත. ආර්ථික සහ මූල්‍යමය වශයෙන් අයහපත් නැත.
ආදායම් ලැබුණ ද වියදම් අධිකයි. විටෙක මිල මුදල් නාස්තිවීම්වලට ඉඩ පවතී.
ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ද තරමක් ඉවසිලිමත් විය යුතුයි. දරුවන්ගේ කටයුතුවල කිසියම් සාර්ථක ප්‍රතිඵල ලබයි. දියුණුවක් ලබයි. උෂ්ණාධික රෝග, මුත්‍ර දෝෂ බලපෑ හැකිය.
ජය වර්ණය- කොළ, අංකය- 05, දිනය- බදාදා
කටක
ඉතා බුද්ධිමත්ව ක්‍රියා කළ යුතු සතියක්
ලග්නාධිපති සඳු භාග්‍යස්ථානයේය. රාහු 12, ශනි, කේතු, ගුරු 6 ද, රවි, කුජ, බුධ 4ද, සිකුරු 5 ගෝචරය වේ. එම ග්‍රහ ගෝචරය ගැන සැලකීමේ දී තම කටයුතු කරගෙන යෑමේ දී විටින් විට බාධා අවහිරතා ඉස්මතු කරයි.
වෘත්තීය සහ රැකියා අංශවලදී ඔබ බලාපොරොත්තු වන තරමට මටසිලුටු නොවේ. එම නිසා ඉතාම බුද්ධිමත්ව ක්‍රියා කළ යුතුයි. මිල මුදල් ලැබීම අතින් ඔබ බලාපොරොත්තු වන තරමට සාර්ථක නොවේ. මුදල් සම්බන්ධ කටයුතුවල දී ප්‍රවේසම් වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ඉවසීම මෙන්ම බුද්ධිමත් වීම ද ඉතා වටී. අධ්‍යාපන අංශවල යෙදී සිටින අයට සිය උත්සාහ තුළ සාර්ථක ප්‍රතිඵල ලැබිය හැකිය. අර්ශස්, බඩවැල් ආශ්‍රිත පීඩා, උදරගත රෝග, මුත්‍ර දෝෂාදියෙන් ප්‍රවේසම් වන්න.
ජය වර්ණය- ක්‍රීම් පාට, අංකය-- 02, දිනය- සඳුදා
සිංහ
ආදායම් ලැබුණ ද වියදම් ඉහළ යයි
ලග්නාධිපති රවි, කුජ, බුධ සමඟ 3 වැන්නේය. රාහු අයස්ථානයේ ද ගුරු ශනි කේතු 5 ද ගමන් ගනී. එම ග්‍රහ පිහිටීම් ගැන සැලකීමේදී තමාගේ කටයුතු කරගෙන යෑමේ දී බාධා අවහිරතා මතු කරයි. එම නිසා කල්පනාකාරීව ක්‍රියා කළ යුතුයි. වෘත්තීය සහ රැකියා අංශවලදී ද සැලකිලිමත් වන්න. මිල මුදල් කටයුතුවලදී ප්‍රවේසම් වන්න. ආදායම් ලැබුණ ද වියදම් ඉහළ යයි. මිල මුදල් සම්බන්ධ කටයුතුවලදී කල්පනාකාරී වන්න.
ගෙදරදොර කටයුතුවලදී ද යම් යම් බාධා අවහිරතා ඉස්මතු කළ හැකිය. දරුවන්ගේ කටයුතු කෙරෙහි අවධානයෙන් පසුවිය යුතුයි. අධ්‍යාපන කටයුතුවල යෙදී සිටින අයට අලුත් විෂයයන් ඉගෙනීමට අවස්ථාව සැලසේ. උෂ්ණාධික, උදරාශ්‍රිත රෝග, ලේ දූෂ්‍යාබාධාදියෙන් ප්‍රවේසම් වන්න.
ජය වර්ණය- රතු, අංකය- 01, දිනය- ඉරිදා
කන්‍යා
වෘත්තීය සහ රැකියාවේ බාධා
ලග්නාධිපති බුධ, රවි, කුජ 2 වැන්නේය. සිකුරු 3, ශනි, කේතු, ගුරු 4 ද රාහු 10 ද ගමන් ගනී. මෙම ග්‍රහ ගෝචරයන් ගැන සැලකීමේදී තමාගේ කටයුතුවලට යම් යම් බාධා අවහිරතා ඉස්මතු වේ. වෘත්තීය සහ රැකියා අංශවලදී තරමක් බාධා ඉස්මතු වේ.
අන්‍යයන්ගේ සහයෝගය ඔබ බලාපොරොත්තු වන තරමට නොලැබේ. උත්සාහය සහ කැපවීමෙන් සාර්ථක පල ලැබිය හැකිය. මිලමුදල් ලැබීම අතින් එතරම්ම ශුභදායක නැත.
ආදායම් ලැබුණ ද වියදම් අධිකයි. ගෙදරදොර කටයුතුවලදී සමඟිය සාමයට බාධා එල්ල නොවේ. දරුවන්ගේ කටයුතු කෙරෙහි අවධානයෙන් සිටිය යුතුයි. ඉගෙනීම්වල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. ශරීර සෞඛ්‍යය ගැන ප්‍රවේසම් විය යුතුයි.
ජය වර්ණය- කොළ, අංකය- 05, දිනය- බදාදා
තුලා
දරුවන්ගේ කටයුතුවල දියුණුවක්
ලග්නාධිපති සිකුරු 2 ය. රවි, කුජ, බුධ ලග්නයේය. ශනි, ගුරු, කේතු 3 සිටී. එම ග්‍රහ ගෝචරය ගැන සැලකීමේදී වෘත්තීය සහ රැකියා අංශවල දී යම් යම් බාධා ප්‍රමාදතා ඉස්මතු වේ.
එම නිසා කල්පනාකාරී විය යුතුයි. එසේ කිරීමෙන් පමණක් සාර්ථක පල ලැබිය හැකිය. මිල මුදල් ලැබීම අතින් ශුභයි. විවිධ අංශයන්ට යොමු වීමෙන් වාසිදායක තත්ත්වයක් ලබාගනී.
ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟිය සාමයට බාධා එල්ල නොවේ. දරුවන්ගේ කටයුතුවල කිසියම් දියුණුවක් උදා කරයි. ඉගෙනීම්වල යෙදී සිටින අයට ශුභයි.
සිය උත්සාහය තුළ සාර්ථක වේ. උෂ්ණාධික රෝග, උදරාශ්‍රිත පීඩා ඇති කළ හැකිය.
ජය වර්ණය- නිල්, අංකය- 06, දිනය- සිකුරාදා
වෘශ්චික
වැඩ කටයුතුවලට බාධා
ලග්නාධිපති කුජ, රවි, බුධ සමඟ 12 ද, සිකරු ලග්නයේ ද, ගුරු, කේතු, ශනි 2 ද, රාහු 8 ද ගමන්ගනී.
එම ග්‍රහ ගෝචරය ගැන සැලකීමේ දී එතරම්ම යහපත් නොවේ. තමාගේ කටයුතු කරගෙන යෑමේ දී බාධා අවහිරතා ගැටලුකාරී තත්ත්වයන් ඉස්මතු වේ. වෘත්තීය සහ රැකියා අංශවල දී ඉතාමත් බුද්ධිමත්ව ක්‍රියා කළ යුතුයි. මිල මුදල් ලැබීම අතින් යහපත් වුව ද වියදම් පක්ෂය ඉහළ යයි.
විටෙක මුදල් නාස්තිවීම්වලට ඉඩ පවතී. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී කල්පනාකාරී විය යුතුයි. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. උගුර, බෙල්ල ආශ්‍රිත පීඩා, උෂ්ණාධික රෝග, ලේ දූෂ්‍යාබාධවලින් ප්‍රවේසම් විය යුතුයි.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
ආර්ථිකය පැත්ත යහපත්
ලග්නාධිපති ගුරු ලග්නයේ, ශනි, කේතු සමගයි. සිකුරු 12 සිටී. රවි, කුජ, බුධ 11 ද, සඳු 4 රාහු 7 ගමන්ගනී.
එම ග්‍රහ පිහිටීම් තුළ වෘත්තීය සහ රැකියා ක්ෂේත්‍රයේ දී බාධා ප්‍රමාදතාවන්ට ඉඩ පවතී. එම නිසා බුද්ධිමත්ව ද කල්පනාකාරීව ද ක්‍රියා කළ යුතුයි. ඒ තුළ කිසියම් සාර්ථක ප්‍රතිඵලයක් ලබයි. ආර්ථික වශයෙන් නම් අයහපත් නැත.
විවිධ ක්ෂේත්‍රයන්ට යොමු වීමෙන් ආර්ථික වාසි ලබනු ඇත. ගෙදරදොර කටයුතු සහ යුගදිවිය සම්බන්ධ කටයුතු යහපත්ය. සමඟිය සාමයට බාධා එල්ල නොවේ. දරුවන්ගේ කටයුතු කෙරෙහි අවධානයෙන් සිටින්න. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. උදරගත පීඩා, ස්නායු දුර්වලතා යනාදියෙන් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
වෙළෙඳ ව්‍යාපාරවල යෙදී සිටින අයට ශුභයි
ලග්නාධිපති ශනි, ගුරු, කේතු 12 ද, සිකුරු 11 ද, රවි, කුජ, බුධ 10 ද, සඳු 3 ද සිටී. එම ග්‍රහ ගෝචරය සැලකීමේදී වෘත්තීය සහ රැකියා ක්ෂේත්‍රයේ දී යම් යම් බාධා අවහිරතා ඉස්මතු කළත් සිය උත්සාහය තුළ සාර්ථක ප්‍රතිඵලයක් උදා කරගත හැකිය. වෙළෙඳ ව්‍යාපාරවල යෙදී සිටින අයට යහපත්ය.
වාසි ගෙන දේ. මුදල් සහ ආර්ථික වශයෙන් අයහපත් නොවේ. සිය උත්සාහය තුළ ආර්ථික තත්ත්වය සාර්ථක කරගත හැකිය. ගෙදරදොර කටයුතු මෙන්ම යුගදිවිය සම්බන්ධයෙන් ද අයහපත් නොවේ. දරුවන්ගේ කටයුතුවල කිසියම් දියුණුවක් ලබයි. අධ්‍යාපන අංශවල යෙදී සිටින අයට ශුභයි. අලුත් විෂයයන් කෙරෙහි අවධානය යොමු වේ. තමාගේ සෞඛ්‍යය ගැන ප්‍රවේසම් වන්න. රුදිර පීඩනය, උෂ්ණාධික රෝග බලපායි.
ජය වර්ණය- නිල්, අංකය- 06, දිනය- සෙනසුරාදා
කුම්භ
කල්පනාකාරීව ක්‍රියා කළ යුතුයි
ලග්නාධිපති ශනි, ගුරු, කේතු 11 ද, සිකුරු 10 ද, රවි, බුධ, කුජ 9 ද, සඳු 2 ද සිටී. මෙම ග්‍රහ ගෝචරයන් තුළ තමාගේ වැඩකටයුතුවල දී යම් යම් බාධා අවහිරතා ඉස්මතු කරයි.
එම නිසා උනන්දුවෙන් ද කැපවීමෙන් ද යුතුව ක්‍රියා කළ යුතුයි. වෘත්තීය සහ රැකියා අංශවල දී ද එසේමයි. මිල මුදල් ලැබීම අතින් යහපත් වුවත් විටෙක මිල මුදල් ප්‍රශ්න මතු කරයි. ඉවසීමෙන් ද කල්පනාකාරීව ද ක්‍රියා කළ යුතුයි. ගෙදරදොර කටයුතු මෙන්ම යුගදිවිය සම්බන්ධයෙන් ද තදබල ලෙස මහන්සි වීමට සිදු වේ.
දරුවන්ගේ කටයුතුවලට වෙහෙස වීමට සිදු වේ. අධ්‍යාපන අංශවල දී උනන්දුව අවශ්‍යයි. ලේ දූෂ්‍යාබාධ, උදරාශ්‍රිත රෝගාදියට ඉඩ පවතී.
ජය වර්ණය- නිල්, අංකය- 06, දිනය- සෙනසුරාදා
මීන
මුදල් වියදම් අධික වේ
ලග්නාධිපති ගුරු, ශනි, කේතු 10 ද, සිකුරු 9 ද, රවි, කුජ, බුධ 8 ද, ශනි ලග්නයේ ද ගමන් ගනී.
එම ග්‍රහ ගෝචරය සැලකීමේ දී යම් යම් බාධා ප්‍රමාදතා මධ්‍යයේ වුව ද වෘත්තීය සහ රැකියා අංශවල දියුණුවක් ලබයි.
ආර්ථික වශයෙන් යහපත් වුව ද මුදල් වියදම් අධික වේ. ගෙදරදොර කටයුතු මෙන්ම යුගදිවිය සම්බන්ධයෙන් ඉවසීමෙන් ද බුද්ධිමත්ව ද ක්‍රියා කළ යුතුයි. නොඑසේ නම් ආකූලතා මතු කළ හැකි බැවිනි.
දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ.
අධ්‍යාපන අංශවලදී උත්සාහය තුළ සාර්ථක පල ලබනු ඇත. රුධිර පීඩනය, මුත්‍රා දෝෂ, ඇස්වල දුර්වලතා මතු කළ හැකිය.
ජය වර්ණය- රන්වන්, අංකය- 03, දිනය- බ්‍රහස්පතින්දා
