නේෂන්ස් ට්‍රස්ට් බැංකුව සිය 20 වන සංවත්සරයට සමගාමීව සිදුකරන ප්‍රජා සත්කාර මාලාවක එක් අදියරක් වශයෙන් මෙරට දුම්රිය ස්ථාන පිරිසිදුව තබාගැනීමේ වැඩපිළිවෙළක් ආරම්භ කර ඇත. මෙහි දී විධිමත් ලෙස කසළ බැහැර කිරීමට ජනතාව යොමු කරවීමට කටයුතු කෙරේ.
මේ යටතේ නිසි වර්ගීකරණයන්ට අනුව කසළ බැහැර කළ හැකි කසළ බඳුන් කට්ටල කොටුව, නුගේගොඩ, බම්බලපිටිය, වැල්ලවත්ත, මොරටුව, පානදුර, කළුතර, අලූත්ගම, අම්බලන්ගොඩ, හික්කඩුව, ගාල්ල සහ මාතර යන දුම්රිය ස්ථාන වෙත ලබා දී ඇත.
