මෙරට ඇඟලුම් ක්ෂේත්‍රයේ දැවැන්ත පෙරැළියක් කළ බ්‍රැන්ඩ්ක්ස් සමාගම, සිය මඩකලපුව කර්මාන්තශාලාව සඳහා ලොව ප්‍රථම Net zero කාබන් සහතිකය ලබාගෙන තිබේ.
2008 වසරේ ලොව ප්‍රථම LEED ප්ලැටිනම් සහතිකය හිමි කර ගැනීමෙන් අනතුරුව ලබාගත් මෙම විශිෂ්ට පිළිගැනීම, ශ්‍රී ලංකාවේ ඇඟලුම් ක්ෂේත්‍රයේ ප්‍රබෝධයක් ඇති කිරීමට සමත්ව ඇති අතර, එය ශ්‍රී ලාංකේය ඇඟලුම් ක්ෂේත්‍රයේ කීර්තිනාමය වර්ධනය කිරීමටද හේතු වී තිබේ.
ඇඟලුම් ක්ෂේත්රය නිසා සිදුවන පාරිසරික හානි සඳහා තාවකාලික විසඳුම් ලබා දෙනු වෙනුවට, බලශක්තිය ප්‍රශස්ත ලෙස භාවිත කිරීම සහ පුනර්ජනනීය බලශක්ති භාවිතය වැනි දිගු කාලීන විසඳුම් ඔස්සේ සිය කාබන් පියසටහන් හෙවත් Carbon footprint අවම වන ලෙස මෙහෙයුම් කටයුතු මනාව සැලසුම් කිරීමෙන් තිරසාරභාවයට හොඳම ආදර්ශය සපයා තිබේ.
සිය ව්‍යාපාර ක්‍රියාවලියේ සෑම තැන්හිදිම ප්‍රබෝධවත් විසඳුම් ලබා දීම අභිප්‍රාය කරගත් බ්‍රැන්ඩික්ස්, ලොව සුප්‍රසිද්ධ සන්නාම හෙවත් Brands නිපදවනුයේත් අලෙවිකරනුයේත් ප්‍රජාවද තිරසාර සංවර්ධනය කරා රැගෙන යමිනි. පුනරුත්තාපනය වූ එල්.ටී.ටී.ඊ. කාන්තාවන් 140ක් මෙම මඩකලපුව කාර්මාන්තශාලාවේ සේවයට බඳවා ගැනීම, ඊට හොඳම උදාහරණයයි. අද ඔවුන් සිය ජීවිත සශ්‍රීක කරගත් යහපත් කාන්තාවන් බවට පත්ව තිබේ.
බ්‍රැන්ඩික්ස් විශිෂ්ටත්වය ක්‍රියාත්මක කරනුයේ විවිධ කරුණු ඔස්සේය.
හරිත ගොඩනැගිලි නිර්මාණය ඉන් ප්‍රධාන කරුණකි. ඇමෙරිකානු එක්සත් ජනපද හරිත ගොඩනැගිලි මණ්ඩලයේ සහ ASHRAE ගොඩනැගිලි මාර්ගෝපදේශනයන්ට අනුව මෙම ගොඩනැගිල්ල සැලසුම් කර ඇත. (තාපන, ශීතකරණ සහ වායුසමීකරණ ඉංජිනේරුවන්ගේ ඇමෙරිකානු සංගමය) ගොඩනැගිල්ලේ සිසිලනය සඳහා සාමාන්‍යයෙන් 44% ක පරිභෝජනයක් සිදු කරන නිසා ගොඩනැගිලි සැලසුම තුළින්ම සිසිලන ශක්තිය ඇති කිරීම කෙරෙහි දැඩි අවධානයක් යොමු කොට ගොඩනැගිල්ලේ නැගෙනහිර - බටහිර දිශාවන්වල පිහිටි බිත්ති සහ ජනේල හරහා නිකුත් වන සූර්ය තාපය ද අවම කිරීමට කටයුතු කරමින්, වහලය මත සූර්ය පැනල සවිකර එමඟින් අමතර ආවරණයක් ද සපයා ඇත. සාම්ප්‍රදායික කර්මාන්තශාලා ගොඩනැගිල්ලක් මෙන් නොව බලශක්තියෙන් 53% කට වඩා ඉතිරියක් මේ තුළින් ලබාගැනීමට හැකිවී තිබේ.
එමෙන්ම, ගොඩනැගිලි කළමනාකරණ පද්ධතිය හෙවත් (BMS) : සහය ඇතිව කාලීන ගොඩනැගිලි බලශක්ති පරිභෝජනය සොයාබැලීම HVAC වායු සිසිලනය සහ ගෘහස්ථ වාතයෙ හි ගුණාත්මකභාවය අඛණ්ඩව සොයාබලමින් එය පාලනය කරනු ලබන අතර උෂ්ණත්වය සහ CO2 මට්ටම කෙරෙහි විශේෂ අවධානයක් යොමු කෙරේ. චිලර්ස් සහ වායු හැසිරවීමේ ඒකකයන් (AHU) ගොඩනැගිලි කළමනාකරණ පද්ධතිය හරහා ක්‍රියාත්මක කර පාලනය කළ හැකිය. මීට අමතරව දෛනික බලශක්ති පරිභෝජන රටාවන් සොයා බැලීම සඳහා උසස් උප මිනුම් උපකරණ ලබාදී තිබේ.
මඩකලපුව පරිශ්‍රයේ මහන මැෂින් 1800 ක් ඇති අතර ඒවා දිනපතා පැය 16ක් ක්‍රියාත්මක වේ. සියලු යන්ත්‍ර සඳහා ක්ලච් මෝටර්ස් වෙනුවට අවම බලැති VSD සර්වෝ මෝටර්ස් ලබා දී ඇත. නිෂ්පාදන වේලාවන් තුළ ක්ලච් මෝටර්ස් අඛණ්ඩව ක්‍රියාත්මක වන අතර සර්වෝ මෝටර්ස් ක්‍රියාත්මක වන්නේ ඉඳිකටු වේලාව තුළ පමණකි. එය ක්‍රියාත්මක වන වේලාව දළ වශයෙන් 17% කි.
සර්වෝ මෝටරයක් ක්ලච් මෝටරයක් හා සසඳන විට 68-73% ක ශක්ති ප්‍රමාණයක් එමඟින් ඉතිරි කරගත හැකිය.
ආලෝකකරණය සඳහා සූර්ය නළ අති විශේෂ සාධකයකි. ආලෝකකරණය සඳහා බල ශක්තියෙන් 11% ක් භාවිත වේ. සූර්ය තාපය උපයෝගී කරගනිමින් ගොඩනැගිල්ලට සූර්යාලෝකය සැපයීම සඳහා නළ භාවිතා කෙරේ මීට අමතරව දිවා කාලයේ දී කෘත්‍රීම ආලෝකය නිවා දැමීම සඳහා. සුඛෝපභෝගී පාලන යාන්ත්‍රණයක් ක්‍රියාත්මක වේ. මෙම සූර්ය නළ දිවා කාලයේ ආ‍ලෝකයේ දීප්තිමත් බව LUX 122 ක් පවත්වා ගැනීමට උපකාරීවේ.
100% LED ආලෝකකරණය මඩකලපුව කර්මාන්තශාලාවේ අති විශිෂ්ට කාරණයකි. LED, CFL වලට වඩා අඩු බලයක් පරිභෝජනය කරන නමුත් එහි ප්‍රතිඵලය සාම්ප්‍රදායික ආලෝකකරණයට සාපෙක්ෂව 50% කට වඩා වැඩි අගයකින් ආලෝක ශක්තිය ඉතිරි කිරීම සිදුවේ. එමෙන්ම LED ආයුකාලය සාම්ප්‍රදායික ආලෝකකරණයේ කාල පරාසය මෙන් දෙගුණයකි. LED පහසුවෙන් ප්‍රතිචක්‍රීකරණය කළ හැකි අතර බැහැර කිරීම සම්පූර්ණයෙන්ම නැති කරයි.
නිෂ්පාදන තොරතුරු පද්ධති තවත් ප්‍රබල සාධකයකි. එමගින්, ද්‍රව්‍යමය දේ හොඳින් හඳුනාගෙන අපට අවශ්‍ය අවස්ථාවන්වල ඒවා ප්‍රයෝජනයට ගැනීමට අපට හැකිවන අතර සියලු ද්‍රව්‍යමය සැපයුම් මේ පද්ධතිය ඔස්සේ එකවිට සිදු කරමින් අනවශ්‍ය ලිපි ලේඛන ඉවත් කිරීමට දායක වී ඇත.
ඉවත ලන නූල් නැවත භාවිත කිරීම ද එසේමය නූල්, ඒ ඒ කාණ්ඩයන්ට අනුව වෙන වෙනම බඳුන්වල ගබඩා කරන අතර, නව මෝස්තරයන් හඳුන්වා දුන් විට නැවත එම නූල් භාවිත කෙරේ.
එසේම, බ්‍රැන්ඩික්ස් සියලු ඇඟලුම් ලෝහ පරීක්ෂක උපකරණයක් හරහා ගමන් කරයි. මේ ආකාරයෙන් සිය ගනුදෙනුකරුවන්ට ඔවුන්ගේ නිෂ්පාදනයන් පිළිබඳ තත්කාලීන තොරතුරු දැනගැනීමට හැකියාව සලසා ඇත.
ආගන් පිරවු ද්විත්ව ඔප දැමූ පැහැදිලි වීදුරු තවත් හේතුවකි. මෙම කවුළු තාපයේ බර අවම කිරීම සඳහා උපකාරී වේ. මෙම වීදුරු කවුළු ප්‍රධාන හා ඉදිරිපස ගොඩනැගිලි බිත්ති වටා සවිකර ඇති අතර එමඟින් දිවා කාලයේ ආලෝකය ලබාගැනීමට සහ එළිමහන් පරිසරය නැරැඹීමට හැකියාව සලසා තිබේ. සියලුම අභ්‍යන්තර මාර්ගයන් ඉහළ සූර්ය පරාවර්තනයන් සහිත ගල් අතුරා සකසා ඇත.
එමඟින් ගොඩනැගිල්ලට බලපාන උණුසුම අවම කරගැනීමටත් සහ වැසි ජලය පිටවීම අඩු කරයි.
අපද්‍රව්‍ය එකතුකිරීම සහ ගබඩා කිරීම පිළිබඳ ඔවුන් වඩාත් සැලකිලිමත්ය. සියලු ඉවත ලන අපද්‍රව්‍ය ප්‍රතිචක්‍රීකරණය සඳහා වෙන් වෙන් වශයෙන් වෙනම බඳුන්වල ගබඩා කරයි. අපජලය පවිත්‍රකරණය සඳහා ශුන්‍ය විසර්ජන අපජල පවිත්‍රාගාරයක් ඉදිකර තිබේ. එමඟින් පිරිපහදු කළ ජලය ප්‍රතිචක්‍රීකරණය මගින් වාරිමාර්ග කටයුතු සඳහා යොදා ගනී. විදුලි මෝටර් රථ ප්‍රවර්ධනය කිරීමට ඔවුන් සේවකයන් පොලඹවයි. ඒ සඳහා විදුලි ආරෝපණ පහසුකමද සපයනු ලබයි. එමගින්ද කාබන් දහනය අවම වන බැවිනි.
පිරිපහදු කළ ජල පොකුණ ඔවුන්ට සම්පතකි. මෙම පොකුණට පිරිසුදු ජලය ලැබෙන්නේ අපජල පවිත්‍රාගාරය මගිනි. පොම්ප ඔස්සේ ලැබෙන පිරිසුදු ජලය කාර්යක්ෂම ජල විදින යන්ත්‍රයක් ආධාරයෙන් කර්මාන්තශාලාව වටා ඇති වාරිමාර්ග ජලයට ජලය මුදා හරිනු ලබයි. එය තිරසාර අඩවියක් සහ ජෛව විවිධත්වය පිරි පෙදෙසකි. පොකුණු හා ඒ ආශ්‍රිතව සිටින මත්සයින්, තාරාවන් සහ පක්ෂීන් පරිශ්‍රයේ ජෛව විවිධත්වය වැඩි දියුණු කිරීමට උපකාරී වේ.
ආහාර අතිරික්තයෙන් ඔවුහු කොම්පෝස්ට් නිපදවති. පැය 24ක් තුළ ඉවත ලන ආහාර අපද්‍රව්‍යයන්ගෙන් කොම්පෝස්ට් නිපදවීම සිදු කරන අතර ඒවා ගෘහස්ථ පොහොර සහ ඔවුන්ගේ ගෙවතු සඳහා භාවිත කිරීමට ලබා දේ.
වහලයේ සූර්ය පැනල් පද්ධතිය ඔවුන්ට අභිමානයකි. මන්දයත් මේ වන විට මෙගා වොට් 1.65කින් යුතු ශ්‍රී ලංකාවේ විශාලතම සූර්ය බලාගාරයක් වහලය මත ඔවුන් නිර්මාණය කර තිබේ. එමඟින් වාර්ෂික බලශක්ති අස්වැන්න මෙගාවොට් පැය 2,975 ක් වන අතර එය පරිශ්‍රයේ වාර්ෂික බලශක්ති අවශ්‍යතාව ඉක්මවා යයි.
මෘදුකාංගයක් භාවිත කරමින් මාර්ගයේ සෝලා පැනල් අධීක්ෂණය ක්‍රියාත්මක කර ඇති අතර, එහි ප්‍රතිඵලයක් ලෙස වාර්ෂික CO2 අවම කිරීම ටොන් 1,591 ශුද්ධ අඩුවීමක් දක්නට ලැබෙන අතර එය වසර 20ක කාලයක් තුළ ටොන් 31,820 ක සමස්ත අඩුවීමක් ඔවුහු අත්විඳ තිබේ.
ඔවුන් නවීනතම චුම්භක චිලර් සඳහා ආයෝජනය කර තිබේ. මෙම ජල සිසිලනය, චුම්භක චිලරය වැඩි බරක් පැටවීමේ කාර්යක්ෂමතාවයෙන් යුක්ත වන අතර, තෙල් කැටි ගැසීම නිසා කිසිදු අලාභයක් එමඟින් සිදු නොවේ. මෙය අනෙකුත් චිලර් හා සසඳන විට 37% කට වඩා වැඩි ශක්තියක් ඉතිරි කරගත හැකිය. එසේම, ශීතකාරක කාන්දු පරීක්ෂක උපකරණය මගින්, ඕනෑම කාන්දු වීමක් පහසුවෙන් හඳුනාගත හැකිවන අතර සියලුම සිසිල් ජල නළ මාර්ගයන් ඒ ඔස්සේ ආවරණය කර ඇත.
පරිශ්‍රයේ ඇති සියලු ජල හා සනීපාරක්ෂක සවිකිරීම් LEED ප්ලැටිනම් ශ්‍රේණිගත ක්‍රමයන් ඔස්සේ සවිකර ඇති අතර, එය අනෙකුත් ජල සවිකිරීම් හා සසඳන විට 53% කට වඩා ජලය ඉතිරිකරගැනීමකි. ඔවුන්ගේ පිඟන් සෝදන යන්ත්‍රයෙන්ද භාවිතා කරන ජලයෙන් සැලකිය යුතු ප්‍රමාණයක් ඉතිරි කර ගැනේ. අවශ්‍ය උණු ජලය සැපයීමට සහ පිඟන් සේදීම සඳහා සූර්ය උණු වතුර පද්ධතියක් භාවිත වේ.
සේවකයන්ගේ යහපත් සෞඛ්‍ය පවත්වා ගැනීමටත් කාබන් දහනය අවම කිරීමටත් ප්‍රදේශයේ පාපැදි පැදවීම ප්‍රවර්ධනය කිරීමටත් සේවකයන්ගේ පා පැදි නැවැත්වීම සඳහා විශාල ආවරණයක් බ්‍රැන්ඩික්ස් පරිශ්‍රයේ සකසා තිබේ.
