ඔබට පැවැරී ඇති ඇමැති ධූරයට අදාළව සියලු වැවිලි ක්ෂේත්රයන්හි මේ වන විට අර්බුද මතුවෙලා තියනවා නේද?
තේ, රබර්, පොල්, කුරුදු, සාදික්කා, වසාවාසි මේ යටතේ තියෙනවා. තේ කර්මාන්තය විශාල අර්බුද ගණනාවකට ලක්වෙලා තියෙනවා. ඒකට ප්රධානතම කාරණාව නිෂ්පාදනය අඩු වීම. ඒ හරහා ගොවියා විශාල අපහාසුතාවකට පත්වෙලා තියෙනවා. විශේෂයෙන් නිෂ්පාදනය අඩු වීම නිසා කර්මාන්ත ශාලා අතර තරගකාරී තත්ත්වයක් ඇතිවෙලා තියෙනවා. ඒ තරගය නිසා කර්මාන්ත ශාලා විශාල ප්රමාණයක් අර්බුදයකට ලක් වෙලා තියෙනවා. ඒ නිසාම ඔවුන්ගේ ආර්ථික මට්ටම ඉතා නරක අතකට හැරිලා තියනවා. ඒනිසා තේවල ඵලදායිතාව ඉතා අඩු වෙලා තියෙනවා. අද වනවිට අක්කරයක කිලෝ ග්රෑම් 350 පමණ අඩු තත්ත්වයකට පත්වෙලා තියෙනවා. එය උපරිම දක්වා වැඩි කළ හැකියි. කිලෝ ග්රෑම් 1500 ක් පමණ දක්වා වැඩි කරන්නට හැකි වෙනවා. අපි අමාත්යංශය හැටියට ඒ සම්බන්ධයෙන් වැඩපිළිවෙලක් ක්රියාත්මක කිරීමට අපේක්ෂා කරන අතර ගොවියා දිරිමත් කිරීමට කටයුතු කරනවා. නොමිලේ පැළ රාශියක් ලබා දීමට කටයුතු කරනවා. ලබන වසර වන විට ඒ කටයුතු සිද්ධ කරනවා. සාර්ථක වැවිලි ක්රම හඳුන්වා දීම වැනි ව්යාපෘති රාශියක් ඒ වෙනුවෙන් ඉදිරියේදි කිරීමට සැලසුම් කර තියෙනවා. ඒ වගේම අපනයන තත්ත්වය පුළුල් කිරීමට කටයුතු කරනවා. එමෙන්ම දැනට රබර් කිරි නොකපන ඉඩම් රාශියක් තියෙනවා; ප්රමාණවත් මිලක් නොලැබෙන නිසා. ඉදිරියේදී අපි කර්මාන්තකරුවන් සමඟ සාකච්ඡා කරලා ගොවියා සහ කර්මාන්තකරුවා අතර සමතුලිත භාවයක් ඇතිවන ආකාරයට ලාබාංශ බෙදී යන ආකාරයෙන් ගොවියා දිරිමත් කිරීමට කටයුතු කරනවා. අපේ රජය අපනයන වෙළෙදපොළ පුළුල් කරනවා; වගේම ගොවියා ආරක්ෂා කරන වැඩපිළිවෙලක් ඉදිරියේදි නොවළහා ඉඩු කරනවා.
ඔබ සඳහන් කර තිබුණා, මේ නව රජය යටතේ අඩු අධ්යාපනික සුදුසුකම් ඇති තරුණ තරුණියන්ට රැකියා ලක්ෂයක් දීමට අපෙක්ෂාවෙන් බහුකාර්ය සාධක බලකායක් රජයේ දෙපාර්තමේන්තුවක් ලෙස ස්ථාපිත කිරීමට කටයුතු කරනවා නේද?
මෙය ජාතික වැඩපිළිවෙලක් ලෙසයි ක්රියාත්මක වෙන්නේ. ජනාධිපති ගෝඨාභය රාජපක්ෂ මහතාගේ සංකල්පයක් යටතේයි මෙය ක්රියාත්මක වෙන්නේ. සමස්ත රජයේ කාර්යය භාරයක් ලෙසයි මෙය ක්රියාත්මක වෙන්නේ. අඩුආදායම් සහිත පවුල් වල ජනතාවගේ සාමාන්ය පෙළ දක්වා උගත් දරුවන්ටයි මේ බලකාය මුලින් ආරම්භ කරන්නේ. ඉන් පසුව විවිධ අංශවලින් වැවිලි කර්මාන්ත ක්ෂේත්රයේ, කෘෂිකර්මාන්ත ක්ෂේත්රයේ, ප්රවාහන ක්ෂේත්රයේ කරුණු කාරණා ඉදිකිරීමේ ක්ෂේත්රවල විවිධ පුළුල් පරාස වල පුහුණුව ලබාදෙනවා; මේ කරුණු කාරණා රාශියක පුහුණුව ලබාදෙනවා. මේ බඳවා ගන්නා අය පසුව රජයේ ආයතනවල පුරප්පාඩු සදහා බඳවා ගන්නට කටයුතු කරනවා. මේ බඳවා ගැනීම සිදුවන්නේ ඒ පුහුණුව හරහායි.
මේවන විට රට පුරා විශාල අර්බුදයක් බවට පත්වෙලා තියෙන සහල්, එළවළු මිල වගේම ලූනු මිල විශාල ලෙස ඉහළ ගොස් තිබෙනවා. පාලන මිලක් නියම කර තිබුණත් පාලන මිලට සහල් තවමත් වෙළඳපොලේ නැහැ. මේ සඳහා රජයක් හැටියට ගෙන ඇති පියවර කෙබදු ද?
පාරිභෝගික සේවා අධිකාරිය මේ සම්බන්ධයෙන් දැඩි ක්රියා මාර්ග රැසක් ගැනීමට තීරණය කර තියෙනවා. මේ සම්බන්ධයෙන් ජනාධිපතිවරයාගේ ඍජු මැදිහත් වීමක් තියෙනවා. වී තොග සඟවාගෙන සිටින ගොවීන්ටත් විරුද්ධව නීතිය ක්රියාත්මක කරනවා. ඊට අමතරව හාල් මිල අඩු නොවෙනවා නම් පිටරටින් හාල් ගෙන ඒමට කටයුතු කරනවා. ඒ වගේම එළවළු මිල වැඩි වීමට හේතුව පසුගිය දිනවල තිබුණ අඛණ්ඩ වර්ෂාපතනයයි. මේ කාලය පිළිබඳ ව ගැටලුවක් මතු වෙනවා. උත්සව සමය නිසා ඒ පිළිබඳ ව සැලකිලිමත් වෙන්න කියලා පාරිභෝගික අධිකාරියට උපදෙස් ලබා දී තියෙනවා. තාවකාලික විකල්පයක් ලෙස අඩු තීරු ගාස්තු සහිතව පාන්පිටි ආනයනය කරන්නට අවසර ලබා දී තියෙනවා. අපි බලාපොරොත්තු වෙනවා ගොවියා ආරක්ෂා කරනවා සේම පාරභෝගිකයන්ට සහන ලබාදීමට. අතරමැදියන් පිළිබඳ කාරණාව සාර්ථකව පාලනය කළ යුතුයි කියන කාරණාවේ අපි තරයේ ඉන්නවා. පසුගිය කාලයේ මේ රටේ නිෂ්පාදන පහළ වැටිලා තියෙනවා. පොහොර නැතිවීමේ ඒවගේම කෘෂිකර්මාන්තය අඩාල කිරීමට කටයුතු කිරීම සහ ගොවියාට අත හිත නොදීම වැනි කාරණා නිසා මේ තත්ත්වය උද්ගත වෙලා තියෙනවා. ලබන වසර වෙන විට අනිවාර්යෙන් ම දේශිය ආර්ථිකය ශක්තිමත් වෙන බවට අපි සහතික වෙනවා. ගොවි ජනතාවට සහ පාරිභෝගික ජනතාවට ඉතා හොඳ තත්ත්වයක් ඇතිවෙයි කියලා.
මේ වන විට රටේ නීතිය නොසලකා හරින තත්ත්වයකට පත් වෙලා තියෙනවා කියලා රජයට විපක්ෂයෙන් චෝදනාවක් තියෙනවා නේද?
නීතිය වල් වැදිලා තිබුණේ පසුගිය ආණ්ඩුව කාලයේ. නීතියට අනුගතව තමයි අපි ක්රියා කරන්නේ. නීතියට අනුගතව කටයුතු කරන නිසා නීතියට බලපෑම් කරන්න අපි කටයුතු කරන්නේ නැහැ. ආරක්ෂක දෙපාර්තමේන්තුව යටතේ නීතිය ක්රියාත්මක වෙනවා. අපි ඒ කිසිදු ආයතනයකට ඇඟිලි ගහන්නේ නැහැ.
විග්නේෂ්වරන් හිටපු උතුරු පළාත් මහ ඇමතිවරයා ශ්රී ලංකාව බෞද්ධ රටක් නොවේ ලෙස කළ ප්රකාශය සම්බන්ධයෙන් නීතිය ක්රියාත්මක විය යුතුයි කියලා මහ සංඝ රත්නය ප්රකාශ කරනවා..
ඇත්තටම එවැනි ප්රකාශ පිළිබඳ ව අපි එතරම් කලබල විය යුතු නැහැ. ජනතාව ප්රකෝප කරගෙන නැවතත් මේ රටේ අන්තවාදි තත්ත්වයන් ඇති කරගැනීමට, ජාතිවාදය පැතිරවීමට උත්සාහ කරන බවයි පේන්නේ. අපි ඒ සම්බන්ධයෙන් කලබල වියයුතු නැහැ. අනවශ්ය විදිහට අපි කලබල විය යුතු නැහැ. අපි කළබල විය යුතු නැහැ. රට පදනම් කරගෙන අපි අපේ ජාතික වැඩපිළිවෙල ඉදිරියට ගෙන යා යුතුයි.
සුදුවෑන් සංස්කෘතිය සම්බන්ධයෙන් පසුගිය ජනාධිපති මැතිවරණ සමයේදි ම පොදු ජන පෙරමුණු දෙසට චෝදනා එල්ල වුණත් අද වන විට එය පසුගිය රජයේ හිටපු අමාත්යවරයෙක් දෙසට යොමුවෙලා තියෙනවා නේද? මොකක්ද මේ සම්බන්ධයෙන් ඔබේ අදහස?
පසුගිය රජයෙ සිටි ඒ ඇමැතිවරයා කටයුතු කළ ආකාරය සහ එ් පුද්ගලයන් දෙදෙනා පිළිබඳ ව දැනටමත් අපරාධ පරික්ෂණ දෙපාර්තමේන්තුව පරික්ෂණ ආරම්භ කර තිබෙනවා. පැහැදිලිවම මේ දේවල් බොරු බව දැනටමත් ඔප්පු වෙලා තියෙනවා. ජනතාව සුදු වෑන් සංස්කෘතියේ නිර්මාතෘවරුන් ඉන්නේ අපේ පාර්ශ්වයේ නොවන බව හැමදාමත් දැනගෙන හිටියා. ඒ වගේම මේ චෝදනාවට ලක්වන ඇමැතිවරයා කියන දේවල්, කරන දේවල් සත්ය නොවන බව ජනතාව දැනගෙන හිටි නිසා ඔහුව විස්වාස කළේ නැහැ.
රාජ්ය දේපොල විකුණන්නේ නැහැ කියන පොරොන්දු මේ ජනාධිපති මැතිවරණයට පෙර මැතිවරණ වේදිකාවල නිතර කතා කළත් මත්තල ගුවන්තොටු පල විදේශ සමාගමකට පැවැරීමේ සුදානමක් තියෙන බවට ඇතැමුන් චෝදනා කරනවා.?
එසේ කිසිදු සාකච්ඡාවක් සිදුවෙලා නැහැ. උපරිම ආකාරයෙන් රාජ්ය දේපොළ ආරක්ෂා කරමින් අපි සංවර්ධන වැඩපිළිවෙල ක්රියාත්ම කළත් අපි කිසිදු දෙපොළක් විකුණා දමන්න පිඹුරු පත් සකස් කරන්නේ නැහැ.
රාජ්ය ආයතනවලට නිලධාරි පත් කිරීමට සම්බන්ධයෙන් යම් මණ්ඩලයක් මගින් සිදු කිරීමට පියවර ගෙන තිබීම ප්රායෝගිකයි කියලා ඔබ හිතනවාද ?
එය ඉතා හොඳ ක්රියාමාර්ගයක් කියලා ජනතාව පවසනවා. පසුගිය කාලයේ රාජ්ය ආයතනවලට නිලධාරීන් පත් කරපු ආකාරය අපි දැක්කා. ඒ නිසා මෙය හොඳ ප්රායෝගික වැඩපිළිවෙලක් ලෙසයි මම දකින්නේ. සුදුසුකම් තියෙන පුද්ගලයන් ඒ සම්බන්ධයෙන් තෝරා පත් කරගනිමින් වැඩපිළිවෙල කරගෙන යෑමට කටයුතු කරනවා. පසුගිය කාලය පුරා රාජ්ය සේවයේ තිබුණ අඩුපාඩුකම් රාශියක් මේ මගින් මඟ හරවා ගන්නට පුළුවන්. සියයට සියයම බැරි වුණත් යම් ප්රමාණයක් සාර්ථක කරගැනීමට හැකියාව ලැබෙවි යැයි සිතනවා.
රාජ්ය ආයතනවලට මේ වනවිට නිලධාරීන් පත් කිරීමේදීත් හිටපු හමුදා නිලධාරීන් පත් කිරීමේ ක්රමවේදය හරහා මිලිටරිකරණය කරා රටගෙන යන බව විපක්ෂයේ ඇතැමුන් සඳහන් කරනවා?
ඔවුන් විනය ගරුක උගත් නිලධාරීන් නිසා; ඔවුන් නිරතව සිටි හමුදා සේවය අමතර සුදුසුකමක් පමණයි. විනය ගරුක භාවය සමාජයට එන්නත් කිරීමට මේ ක්රමවේදය අනුගමනය ඉතා හොඳ පියවරක්
එම්.සී.සී. ගිවිසුම සම්බන්ධයෙන් පසුගිය ජනාධිපති මැතිවරණ සමයේදි පොදු ජන පෙරමුණේ දැඩි විවේචනයට ලක්වුණා. එය අවලංගු කරන බවට පැවැසුවත් මේවන විට ඒ සම්බන්ධයෙන් සලකා බලන්නට කටයුතු කරමින් තිබෙන බවට සමාජය යම් කතාබහකට ලක්වෙලා තියෙනවා...?
වගකිවයුතු ආණ්ඩුව ලෙස කිවයුතුයි අපි මේ වන විට මිලේනියම් චැලෙන්ජ් කෝපරේෂන් සම්බන්ධයෙන් සියලු වැඩකටයුතු අත්හිටවලා තියෙනවා. මේ වනවිට ඒ සම්බන්ධයෙන් අදාළ පරික්ෂණ කටයුතු කරන්න කමිටුවක් පත් කර තිබෙනවා.
අර්ජුන මහේන්ද්රන් ලංකාවට ගෙන්වීමට කටයුතු කර නීතිය ක්රියාත්මක කරන්න කියලා පසුගිය කාලය පුරා හඬ නැඟුවත්; මේවන විට ඒ සම්බන්ධයෙන් නිහඬතාවක් දකින්නට ලැබෙනවා කියලා ඇතැම් පිරිස් කියනවා.
හිටපු ජනාධිපති මෛත්රීපාල සිරිසේන මහතා සිංගප්පූරු රජයෙන් ඉල්ලීමක් කර තියෙනවා ඔහුව රටින් පිටුවහල් කරන්න කියලා. සිංගප්පූරු රජයේ නීතිපති දෙපාර්තමේන්තුවේ තීන්දුව තව සති දෙකකින් ලැබෙනවා. ඉන්පසුවයි අපිට ඒ සම්බන්ධයෙන් කටයතු කරන්නට සිදුවෙන්නේ. මේ සම්බන්ධයෙන් නිත්යානුකූල දැනුවත් කිරීමෙන් අනතුරුව නීතිය ක්රියාත්මක වෙයි.
ඉදිරියේදී එජාප පුළුල් සන්ධානයක් ගොඩනඟන බවත්; ඒ සඳහා ජවිපෙ ට ආරාධනා කරන බවත් බවත් ඔවුන් ප්රකාශ කරනවා?
එකට එකතු වෙලා තමයි මේ අය දේශපාලනය කළේ. එහි ප්රතිඵලයක් ලෙස මේ අය එකතු වීමක් සිදු වුවත් එය අරුමයක් නොවෙයි.